Милошоски: Во одбраната ќе ја користиме силата на аргументите
Како одбрана спремни сме да ги користиме силата на аргументите и сите други потребни докази за да ја увериме и јавноста, дека се работи за правно неоснован и политички мотивиран предмет, изјави Антонио Милошоски, по денешното рочиште за случајот „Моќник”.
Во врска случајот, во кој е трето обвинет, Милошоски рече дека ги известил мисијата на ОБСЕ и мисијата на ЕУ да го следат целиот случај од почеток до крај, за како што посочи, и тие да се уверат дека се работи за правно неоснован, но за за жал политички мотивиран случај.
– Самото обвинение е компромитирано од две причини. Првото обвинението го има почнато Катица Јанева, поранешна специјална обивнителка. Зборувам за обвинението точно за и со рекетирање, а го продолжува нејзината другарка Фетаи за која Државниот завод за ревизија утврди дека истата незаконски земала 87 илјади евра хонорари токму од Катица Јанева и СЈО, изјави Милошоски.
Обвинителниот акт, посочи тој, е паушален арбитререн, политички мотивирна и без издржани докази.
– Не би го коментирал судот, само би го кокментирал Обвинителството и обвинителниот акт. Дел од Обвинителството е под силно влиание на Владата, а самиот обвинителен акт е арбитререн право неиздржан и политички мотивиран, изјави Милошоски.
25.11.2020 - 12:19
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
