Милошоски: Одамна алармиравме за Рашковски

 ВМРО-ДПМНЕ уште пред три години алармираше дека кај поранешниот генерален секретар на Владата Драги Рашковски има индиции за сторен криминал, изјави денеска пратеникот од редовите на ВМРО-ДПМНЕ Антонио Милошоски, по објавувањето на информацијата дека Рашковски е приведен.

– Уште пред две три години ВМРО – ДПМНЕ алармираше дека кај Рашковски има индиции за сторен криминал, но бидејќи беше најдобар другар на Заев за него законот не важеше. Дали сега ќе важи ќе видиме од оваа постапка, но сакам да нагласам дека Рашковски бил само генерален секретар на една институција каде што главниот шеф бил Зоран Заев и кое било незаконско дејствие на Рашковски не ја исклучува командната одговорност на премиерот Заев како надреден над генералниот секретар Рашковски, рече Милошоски.

Според него, она што би било коректно од Јавното обвинителство е да го повикаат Заев кој, како што рече, пред две недели во Собранието на Македонија го бранел Рашковски и рекол дека имал увид во цел предмет за набавката на софтверот за МВР, дека го прегледал цел предмет и смета дека истиот бил законски набавен.

 

 

 

Добивајте вести на Viber

16.04.2021 - 13:30

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега