Милошоски: МНР да достави информација во врска со антимакедонскиот Меморандум испратен од Бугарија до членките на ЕУ
Антонијо Милошоски, пратеник на ВМРО-ДПМНЕ и претседател на Комисијата за надворешна политика во Собранието испрати Барање до МНР за достава на Информација во врска со антимакедонскиот Меморандум испратен од Бугарија до членките на ЕУ.
Милошоски побара министерот Османи да достави Информација за како што пишува, Меморандумот испратен од страна на Република Бугарија до членките на ЕУ, кој го засега јазичниот, националниот и културниот идентитет на македонскиот народ, а истовремено може да има и негативни импликации кон долгоочекуваниот почеток на преговорите со Европската Унија.
Тој додава дека за ова потребна е и посебна седница на Комисијата за надворешна политика, со учество на ресорниот министер.
-Барање до МНР за достава на Информација во врска со антимакедонскиот Меморандум испратен од Бугарија до членките на ЕУ!, стои во неговиот пост на Фејсбук.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
