Мицотакис: Сликата од гласањето во Собранието не одговара на земја што се стреми за членка на ЕУ

 

Ставот дека Нова демократија нема да го ратификува Договорот од Преспа, ниту во овој ниту во следниот парламент, уште еднаш го повтори претседателот на партијата, Кирјакос Мицотакис, одговарајќи на новинарско прашање за време на неговата турнеја на грчкиот остров Кефалониа.

Како што јави МИА од Атина, лидерот на најголемата грчка опозициска партија истакна дека договорот е штетен за националните интереси.

– Единствениот начин да се гарантира дека овој договор нема да се ратификува во грчкиот парламент е да се одржат национални избори пред договорот да дојде на ратификација во грчкиот парламент, за грчкиот народ да одлучи, не само за земјата, туку и за договорот за кој, како што реков, сметаме дека е штетен за националните интереси. Но, сакам да додадам и уште нешто: сликата од изминатите денови во соседната земја, за време на подготовката за првото гласање во Собранието, според моето мислење, не е слика која одговара на земја што може да се стреми да стане членка на големото европско семејство, рече Кирјакос Мицотакис.

 

 

 

21.10.2018 - 10:14

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега