Мицковски: Формирањето на ДИК не е издвоено прашање

Формирањето на Државната изборна комисија (ДИК) е дел од пакет мерки и не треба да се гледа издвоено. ВМРО-ДПМНЕ ќе изготви закон за амнестија, а за референдумот ништо не се знае зашто не е дефинирано ниту прашањето, изјави претседателот на ВМРО Христија Мицковски при денешната посета на Прилеп.

-Не смее ДИК да се гледа како издвоено прашање. Тоа беше дел од еден поголем пакет. Тој започна со таканаречените, реформски закони, кои беа усвоени во март-април годинава, опозицијата учествуваше во нивното креирање и усвојување кога се врати по неколкумесечното отсуство. Втората работа, донесена и прифатена од Владата, е донесувањето на законот за финансирањето на партиите и измените во законот за Влада каде треба да се дефинираат истите оние услови кои ги имаше опозицијата за време на предвремените парламентарни избори во 2016 година, па дури потоа на дневен ред доаѓа формирањето и изборот на ДИК, рече Мицковски.

Претседателот на ВМРО-ДПМНЕ повторно ги демантира сите инсинуации и шпекулации дека партијата уценува со некаква амнестија.

-Не станува збор за никаква уцена. Амнестијата е издвоена од целокупниот овој процес и е посебен, за што ВМРО-ДПМНЕ, во консултација со партиските структури ќе достави во Собранието закон за амнестија и ќе инсистираме на неговото донесување, одговори Мицковски.

Според Мицковски, се додека не се распише референдумот, многу веројатности и опции се отворени. Вели дека можно е референдумот и да се случи и да не се случи.

-Се до оној момент додека референдумот не биде распишан и додека не биде дефинирано рефенрендумското прашање, сите опции се отворени. Распишувањето на референдумот го прави мнозинството во парламентот, а тоа не е ВМРО-ДПМНЕ, Мицковски. 

 

 

 

14.07.2018 - 13:59

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега