Мицкоски: Заев е во скутот на Али Ахмети

Во вечерашното издание на „Патот кон“ во Алсат телевизија, претседателот на ВМРО-ДПМНЕ, Христијан Мицкоски, критикуваше дека Зоран Заев треба чесно да признае пред граѓаните дека е уценет во скутот на Али Ахмети и Артан Груби, тие го одржуваат во политичкиот живот, впрочем тоа бил условот тој да остане премиер уште неколку месеци.
-Ова што го прави Зоран Заев е политички некултурно, и ваков тип на заложништво да ги држи и граѓаните и своите сопартијци е политички некултурно, но не очекувам нешто повеќе од него, ако излезете на прес коференција изрично да кажете дека нешто ќе направите, тоа и треба да го направите, а не веќе следниот ден да ги повикувате вашите коалициони партнери да ги прашате што мислат за вашата оставка, а Заев кажа дека дава неотповиклива оставка, тоа е политичка некултура и кон членството и кон коалиционите партнери, критикуваше Мицкоски.
Мицкоски појасни дека позицијата на Заев е таква да објаснува сега дека на 12-ти ќе има Конгрес што е повторно политичка некултура во ист ден како редовниот Конгрес на ВМРО-ДПМНЕ да се закаже, можеби нешто се обидува да сокрие, а потоа вели дека ќе остане уште некое време премиер.
-Заев сега вели дека ќе останел премиер додека не постигнел договор со Алтернатива или со Бугарија , а во суштина треба да биде чесен пред граѓаните и да каже дека е во скутот на Али Ахмети и Артан Груби и дека е уценет, што практично беше условот тој да остане премиер овие осумнаесетина месеци, вели Мицкоски вечерва во Алсат ТВ.
02.12.2021 - 23:05

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега