Мицкоски: Што ако Макрон го поддржал предлогот, тој знае подобро за мене од самиот јас?
Претседателот на ВМРО-ДПМНЕ, Христијан Мицкоски во вечерашното гостување на ТВ 24 рече дека и ако ЕУ и македонската Влада го одобрат францускиот предлог, тие ќе останат против и ќе бидат заедно со народот.
Мицкоски додаде дека не е важно тоа што зад предлогот стои францускиот претседател Емануел Макрон, бидејќи не може тој да знае што е подобро за Македонците од самите Македонци.
-Што треба сега, ние да се асимилираме? Ако планот им е таков, нека кажат отворено: вие не треба да постоите, тоа е планот. Што ако овој предлог е поддржан од Макрон? Тој знае подобро за мене од самиот јас? Еве јас велам дека тоа не е добро за мене.
Нема да останеме осамени, ќе бидеме со народот. Ќе бидеме со македонскиот народ, а против предлогот. Лошото е што овој предлог ќе го прифатат без да има парламентарна дебата. Или ќе го протуркаат со 61 глас, нема да имаат 80, рече Мицкоски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа