Мендух Тачи: Не може да има Влада без Албанци, може да има само војна

Лидерот на ДПА, Мендух Тачи, во емисијата „Изборни дебати“ меѓу другото зборуваше и за идејата на ДУИ за премиер Албанец. Тој рече дека кандидатурата на Насер Зибери е само илузија и лага на ДУИ. Тачи дури рече дека кандидатот за премиер Албанец е политички мртов.

Тачи дури додаде дека доколку граѓаните сакаат да гласат за Зибери, нема да можат бидејќи неговото име не фигурира никаде.

„Вие сте го слушнале Насер Зибери кој вели дека ќе го гласаат Албанците, Македонците, и тоа е невозможно и ова кандидатура има еден недостаток – каде е името на Насер Зибери за гласање, тие кои сакаат да гласат за Зибери немаат каде да гласаат бидејќи неговото име не е никаде. Тоа е криењето на Али Ахмети поради се што направил, односно не направил за 18 години, со цел тој да не биде тема на дискусија“, истакна Тачи.

На прашањето дали може да има Влада без Албанците, Тачи рече дека без Албанците може да има само војна.

„Али Ахмети вели дека се партија за интеграција а 20 години наназад е националистичка партија, прав манипулатор кој провоцира одредена ситуација, посочи Тачи и додаде дека нема Влада без Албанците, војна може да има“ рече тој.