Македонците ги спакуваа куферите - Колона долга 100 метри за влез во Бугарија

Се повторува сликата од пред два дена на граничниот премин Делчево – Станке Лисичково. Поради т.н. паѓање на системот на бугарскиот премин, колона возила долга 100 метри и денеска чека влез за Бугарија.

-За влез од Бугарија кон земјава задржувањето е пократко, но веќе е забележлива колона за излез од државата кон Бугарија која е долга стотина и повеќе метри, информираат возачи и додаваат дека за излез од земјава се чека повеќе од еден час.

Во колоната најмногу има патнички автомобили, а чекаат и туристички автобуси, камиони и комбиња со македонски, но и со бугарски регистерски таблички.

Од надлежните нема информација колку би траел застојот, дополнуваат возачите.

Иако во последните неколку дена ваквата слика е честа на овој граничен премин, тоа не ги поколеба граѓаните од поблиското опкружување, празничниот период да го искористат за посета на некои од познатите туристички места во Бугарија, како Банско и Боровец. Единствента рута до таму е токму преку Делчево што е една од причините за зголемена фреквентност. 

 

 

 

Добивајте вести на Viber

08.01.2020 - 11:15

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега