Мајка на 45-годишна возраст и нејзината 22-годишна ќерка од Сараево починале за време на нивниот одмор во местото Добре Воде во Црна Гора, со разлика од само еден час.
Трагичниот настан се случил на 28 август, а информацијата ја објави порталот Avaz.ba, повикувајќи се на официјални извори.
Според првичните констатации на мртовечникот, причината за смртта кај двете жени е срцев удар.
„Причината е несреќна смрт“, објави порталот, цитирајќи изјави од службените лица.
Прво починала 22-годишната ќерка, а еден час подоцна нејзината мајка. Изворите од Црна Гора наведуваат дека станува збор за природна смрт и дека во случајот нема елементи на кривично дело.