Лидија Димова заработила кривична пријава за четири кривични дела
Јавниот обвинител Љубомир Јовески на ТВ24 изјави дека до основното обвинителство е доставена кривична пријава за гонење на организиран криминал и корупција во која се работи за четири кривични дела кои ги направила директорката на Националната агенција за европски образовни програми, Лидија Димова.
„Финансиска полиција најави, а во меѓувреме мислам дека е и доставена пријава до обвинителството за случајот со Лидија Димова“, рече Јовески на ТВ 24.
Тој посочи дека две казнени дела ги направила самата Димова, а во другите две учествувале и други лица.
„Опфатен е и случајот „Фризерница“ и други случаи на извлекување на 15.000 евра од касата на агенцијата и уште некои други дејствија.“, изјави Јовески.
27.10.2020 - 23:07
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
