ЛДП и ДОМ на локалните избори ќе одат самостојно, без коалиција
Маја Морачанин од ДОМ и Горан Милевски од ЛДП вечерва беа гости во ТВ21 на „Клик Плус“. Дебатиравме на различни теми, а една од нив беа и престојните локални избори кои треба да се одржат во октомври годинава.
И Морачанин и Милевски најавија дека ќе одат самостојно, без коалиција.
„Ќе настапиме самостојно на локалните избори, со свои листи, и тоа ДОМ ја има како конгресна одлука. Ние веќе сме започнати со подготовките за избори. Сметаме дека тоа е добар начин, секоја партија да си ја претстави својата програма“, рече Морачанин.
Милевски, пак, истакна дека сега се во фаза на носење на одлука, но негова желба е да настапат самостојно.
„ЛДП е во фаза на носење на одлука. Деновиве ги сумираме размислувањата на општинските оргнизации за да видиме колку листи можеме да направиме. Наша проценка можеме да направиме 50-60 листи. До средина на март овој процес. Мојата желба е да настапиме самостојно, бидејќи како партија мора да се промовирате кај граѓаните“, изјави Милевски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа