ОВР Дебар поднесе кривична пријава против С.Р.(33) од скопското село Љуботен поради постоење основи на сомнение за сторено кривично дело „избегнување на плаќање акциза“, казниво по член 279 од Кривичниот законик.
При контрола во патниот сообраќај извршена на месноста „Мост Радика“ на магистралниот пат Дебар-Скопје, полициските службеници сопреле патнички автомобил „фолксваген голф“ кој го управувал и притоа пронашле вреќи со тутун во вкупна тежина од над 16 килограми, за кои немал соодветна документација.
