Ковачевски на одбележување на 30 години од КХВ: Финансискиот систем успешно одговори на кризата, подготвен е да се справи и со натамошни предизвици
Комисијата за хартии од вредност уште на почетокот на создавањето на националниот и независен финансиски систем во нашата земја, си го зазеде своето место и го дава својот значаен придонес во функционирањето на државата, оцени денеска премиерот Димитар Ковачевски, кој присуствуваше на настан по повод одбележување 30 години од основањето на Комисијата за хартии од вредност.
– Денес, 30 години подоцна, Комисијата за хартии од вредност е самостојно и независно регулаторно тело кое успешно ја остварува својата мисија, да ги заштити инвеститорите, да се грижи за создавање и одржување фер, сигурен, транспарентен и ефикасен пазар на хартии од вредност и да го олесни привлекувањето на капитал со што придонесува кон економскиот раст и развој на државата, рекол премиерот, пренесуваат од неговиот кабинет.
– Со оваа стратегија имаме за цел да го динамизираме пазарот на капитал и да достигнеме развиеност на ниво на просекот во ЕУ. Како индикатори за достигнување на оваа цел на стратегијата се нивото на пазарна капитализација, ликвидноста на пазарите на капитал, структурата на изворите за финансирање на проектите кај компаниите, структурата на инвестициските портфолија на индивидуалните инвеститори и нивото на финансиска едукација, посочил тој.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
