Костадиновска Стојчевска: Изборите ќе бидат редовни, во 2024 година

Потпретседателката на СДСМ, Бисера Костадиновска Стојчевска во емисијата „Жешко политичко лето“ на Канал 5 телевизија истакна дека избори ќе има и тоа редовни во 2024 година.

„Ние нема да потпаднеме под овие провокации на ВМРО-ДПМНЕ, сметаме дека сега соочени со енергетска криза, ковид криза имаме многу поважна работа од тоа цел процес на развој во државата да застане, само заради тоа што лидерот во сенка од Будимпешта тоа го посакува“, порача Костадиновска Стојчевска.

Костадиновска Стојчевска кажа дека ВМРО-ДПМНЕ треба прво да реши што сака пред да се прави било каков референдум.

„Но, доколку ВМРО-ДПМНЕ побара референдум, прво треба да се изјаснат ќе гласаат или не, бидејќи така беше на референдумот за промена на името, каде што нивниот официјален лидер Христијан Мицкоски ја имаше улогата на ни риба ни девојка, бараа референдум за промена на името, па потоа ретерираа, истото се случи и со пописот, немаа јасен став за ништо“, рече Костадиновска Стојчевска.

Костадиновска Стојчевска потсети дека истото беше и со усвојувањето на преговарачката рамка во собранието.

„Гледавме палење на документи, кинење на документи, колнење, недолично однесување, свиркање за на крај пратениците од ВМРО-ДПМНЕ да излезат од собраниската сала“, кажа таа.

15.08.2022 - 20:39

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега