Кочанчанец излетал од пат – заврши со тешки повреди
39-годишен кочанчанец е тешко повреден откако вчера излетал од регионалниот пат од селото Смојмирово кон Виничка крстосница.
-Вчера во 17.10 часот во СВР Штип било пријавено дека на регионалниот пат с.Смојмирово-Виничка крстосница, кај место викано „Горна Осојница“, Д.Ф.(39) од Кочани, управувајќи патничко возило „форд фокус“, со кочански регистарски ознаки, изгубил контрола и излетал од патот. Во незгодата со тешки телесни повреди се здобил Д.Ф., констатирани во Медицински центар Штип, појаснуваат од полицијата.
Увид на местото извршила увидна екипа на ОВР Виница.
16.05.2021 - 12:28
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа