„Наместо јавно да кукаш над судбината запали колата отиди до Будимпешта, пресрами се и побарај совет зошто се наоѓаш во ситуација во која незнаеш да најдеш излез“. Ова му го порача преку Фејсбук градоначалникот на Карпош, Стевчо Јакимовски на актуелниот лидер на ВМРО-ДПМНЕ, Христијан Мицкоски, кој претходно денеска го обвини поранешниот премиер и бегалец Груевски дека играл валкани игри со власта. Мицкоски потенцираше дека преговарал со власта, за да се истуркаат уставните измени.
Па по овој коментар, Јакимовски кажа дека Груевски имал повисок рејтинг од Мицкоски и покрај неговата партиска инфраструктура, ПР служби и медиуми.
„Лидерот на опозицијата Мицкоски соочен со фактот дека Никола Груевски не само што има висок рејтинг туку и неговата популарност расте.
Иако сатанизиран, прогонуван, осудуван и приморан да бега и и без било какви ресурси од Будимпешта повремено ќе се јави со некој напис има повисок рејтинг од овој кој ја има целата партиска инфраструктура, ПР служба и медиуми.
Уплашен доколку Груевски во која било форма се појави на изборите дека тој (лично тој Мицкоски) нема да биде власт во Македонија јавно плаче во интервју на Франфуртер алгемајне цајтунг дека наводно владата имала комуникација со поранешниот премиер.
Што да ти кажам Христијан?
Не е проблемот дали Владата комуницирала со него, клучно прашање за ВМРО ДПМНЕ и опозицијата е зошто ти не комуницираш со Груевски. Да беше паметен до сега од него ќе слушнеше некој умен совет и ќе дојдеше на власт а не 7 години да седиме во опозиција.
Наместо јавно да кукаш над судбината запали колата отиди до Будимпешта, пресрами се и побарај совет зошто се наоѓаш во ситуација во која незнаеш да најдеш излез и што би рекле Кумановци „Пречаш као пиле у кучина“.
Убаво е на членството да му одговориш колку пати си бил во Будимпешта и колку пати си се сретнал со тој што те стави на престолот да седиш на чело на четирите свети букви.
п.с. Му се чудам и на Никола што воопшто му се правда, туку напротив треба јавно да му каже дека на наредните парламентарни избори ќе види кој е кој во македонската политика!“, напиша Јакимовски на ФБ.
