Ја губат силата: Лекарите во Белгија заразени со корона повикани да продолжат да работат за да не дојде до колапс

Докторите кои се заразени со коронавирус во белгискиот град Лиеж се замолени да продолжат да работат за да се избегне колапсот на здравствениот систем.

Четвртина од здравствените работници се заразени со коронавирус, а вчера во десет болници во тој град од заразените работници се побарало да продолжат да работат доколку немаат никакви симптоми, пренесува Би-Би-Си.

Функционер од белгиското Здружение на медицински сестри, доктор Фелипе Девос рекол дека немаат избор ако сакаат да го спречат колапсот на здравствениот систем во рок од неколку дена.

Девос истакнал дека постои ризик докторите и останатите медицински работници кои се заразени да може да ги заразат пациентите односно дека таа ситуација и тоа како е сериозна, но дека немаат избор.

Болниците префрлаат пациенти во други здравствени установи и откажуваат операции кои не се итни. Сето тоа се случува неколку дена откако белгискиот министер за здравство Франк Вандеброук најавил дека земјата се доближува до „цунами инфекции“ додавајќи дека власта повеќе не може да ја контролира ситуацијата.

 

 

 

Добивајте вести на Viber

27.10.2020 - 08:52

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега