Изменет сообраќаен режим во Скопје и во недела

Во Скопје освен во сабота поради „Бал ноќ“ сообраќајот ќе биде изменет и во недела поради трка.

„На 06.10.2019 (недела) во времето од 08.00 до 11.30 часот, во организација на Сојуз на спортови на Скопје, ќе се одржи улична трка „Скопје трча 10К 2019“,  и тоа трка на 10 км и штафетна трка 2 х 5 км. Притоа, предвидената траса на движење е од бул.„Илинден“ (во двете насоки), крстосницата со ул.„Наум Наумовски Борче“ (фонтана Градски парк) до крстосницата со ул.„Никола Парапунов“, потоа лево по ул.„Никола Парапунов“, десно по бул.„Партизански Одреди“ до крстосницата со ул.„Ангел Динев“ (мост Влајко), полукружно назад по бул.„Партизански одреди“ (во насока кон „Сити Мол“) до крстосницата со ул.„Љубљанска“, па полукружно назад по бул.„Партизански одреди“, десно по ул.„Никола Парапунов“ и десно по бул.„Илинден“ до целта  (фонтана Градски парк)“ се вели со соопштение од МВР.

Од таму наведуваат дека Одделението за безбедност на патниот сообраќај во наведениот период ќе преземе мерки за посебен режим на сообраќајот при што сообраќајот ќе се пренасочува по околните сообраќајници.

МВР апелира до граѓаните да ги почитуваат наредбите што ги издаваат полициските службеници по сообраќајниците по кои ќе се одвива настанот.

 

 

 

Добивајте вести на Viber

04.10.2019 - 15:44

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега