Изгаснати 15 огнови на отворено во Скопје

Скопските пожарникари за една недела изгасиле 15 пожари на отворено, соопшти Град Скопје.

-Бригадата за противпожарна заштита на Град Скопје во периодот од 12.03 до 18.03.2020 година на телефонскиот број 193, кој е дел од кампањата „Пријави оган на отворено“, регистрирала 16 пријави од граѓаните. Од вкупниот број пријави, во 15 случаи пожарникарите излегле на терен со противпожарни возила и го изгаснале огнот што горел на отворено. Преостанатата една пријава од граѓаните е проследена кај инспекторите на Град Скопје за да покренат постапка против сторителите, велат од Град Скопје.

 Во сезоната со зголемено загадување на воздухот, Градот Скопје ја продолжи кампањата за пријавување огнови на отворено на бесплатната телефонска линија 193.

-Градот Скопје преку својот инспекторат и Територијалната единица за противпожарна заштита, а во соработка со Министерството за труд и социјална политика, Министерството за внатрешни работи и Црвениот крст организира мешани тимови кои работат секој ден, 24 часа, и се справуваат со огновите на отворено. Оваа кампања се спроведува трета година по ред и досега има одлични резултати, се вели во соопштението.

Градот Скопје и Бригадата за противпожарна заштита апелираат граѓаните да ги пријавуваат сите случаи на палење оган на отворено, за да може огнот што побрзо да се изгаси, а сторителите да се санкционираат.

 

 

 

Добивајте вести на Viber

19.03.2020 - 12:42

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега