Инспекторите не спијат: Акција во Гази Баба за сите непрописно паркирани автомобили

Согласно Законот за урбано зеленило и Одлуката за комунален ред на Општината, инспектори од Општина Гази Баба вечерва изрекоа опомени за повеќе моторни возила кои беа непрописно паркирани на зелена и јавна површина долж ул. „Коце Металец“ во населба Железара.

Зелените површини се белите дробови на нашата заедница и мора да ги чуваме!

Ги повикуваме сопствениците на непрописно паркираните возила да ги отстранат во предвидениот рок.

Доколку тоа не биде сторено, ќе следуваат соодветни прекршочни санкции согласно законските прописи.

Заедно да создадеме почиста, поуредена и похумана средина за сите граѓани!

Ваквата активност ќе продолжи и во другите населени места, информираше на социјалните мрежи Бобан Стефковски, градоначалник на Гази Баба.