Индија регистрира рекорден број на починати од коронавирус
Индија објави најголем дневен број на смртни случаи од Kовид-19 во светот, 6.148, откако една голема федерална држава ги ревидираше своите податоци за да ги земе предвид луѓето кои подлегнаа на болеста дома и во приватните болници.
Министерството за здравство во Бихар, една од најсиромашните држави во Индија, во средата ги ревидираше податоците за вкупните смртни случаи поврзани со Kовид- 19.
Досега најголем број на смртни случаи за еден ден беа регистрирани во САД – 5.444 смртни случаи од Ковид-19 на 12 февруари.
Вкупниот број на заразени со Ковид-19 во Индија сега изнесува 29,2 милиони, што е зголемување за 94.052 во последните 24 часа, додека вкупно починаа 359.676, според Министерството за здравство.
Макфакс
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа