Игор Џамбазов откри како ја освоил Илина: Ѝ реков „сите сакаат да се запознаат со мене, а јас сакам да те запознаам тебе“

Актерот Игор Џамбазов во интервјуто за ТВ магазинот „Бекстејџ“ зборуваше за љубовта со алпинистката Илина Арсова, па откри како се запознале и како почнала нивната љубовна приказна.

„Се запознавме пред пет години, преку наши заеднички пријатели во Охрид. Го побарав од нив нејзиниот број и ѝ се јавив. Ѝ се претставив и ѝ кажав, сите сакаат да се запознаат со мене, а еве јас сакам да те запознаам тебе. После тоа се видовме, неколку дена се дружевме и јас променив локација. После неколку месеци ми се случи првиот здравстен крах, бев во болница и добив неколку поддржувачки пораки од неа. Се немавме видено долго време сè додека не почна карантинот. Се сретнавме во Дојран, а сè после тоа е историја“, раскажал Џамбазов.

Признал и дека врската со Илина му е сериозна, па не ја исклучил можноста наскоро да започнат заеднички живот.

„Не сакаме да носиме избрзани одлуки, ќе оставиме на времето, спонтано нека се случи сè. Сепак, сигурен сум дека ова ќе потрае“, признал Игор.