Хуманитарци со наши пари: МЕПСО донирале 10.000 евра во Тетово а за две години имаат загуба од 5 милиони евра
Државната фирма МЕПСО решила да донира 10.000 евра од нашите пари на тетовската болница. Информацијата утрово ја објави компанијата која за себе тврди дека е општествено одговорна. АД МЕПСО е општествено одговорна компанија која и во време на енергетска криза наоѓа начин да им помага на тие на кои тоа им е најпотребно.
Ваквата пракса компанијата ќе ја продолжи и во иднина односно сите заштеди во потрошувачка на електрична енергија што ќе ги направи во месеците што следат, ќе бидат искористени за хуманитарни цели, се вели во соопштението на компанијата.
Чудно е што оваа компанија по се уште непознати критериуми донира пари во хуманитарни цели и тоа во време кога само за последните 2 години има загуба која изнесува околу 5 милиони евра.
Кога треба да се делат нашите пари, директорот на оваа компанија одлучува сам на кого ќе ги донира, додека долговите му ги плаќаме сите заедно.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа