Најмалку 30 лица загинаа во стампедо на популарна туристичка локација на Хаити, јавија локалните медиуми.
Голем број посетители се собрале вчера кај тврдината Цитадела Лафериер, во северната општина Мило, објави весникот „Ле нувелист“. Тврдината од 19 век, која е под заштита на УНЕСКО, претставува симбол на борбата на Хаити за слобода од француската колонијална власт и е една од најпосетуваните туристички атракции во земјата.
Haiti 🇭🇹 – Cap-Haitien : Drame et décès
— Radio Télé Patriarche 101.1 FM (@PatriarcheRadio) April 12, 2026
Ce samedi 11 avril 2026, un incident tragique est survenu à la Citadelle Laferrière, à Milot, lors d’une sortie touristique régionale réunissant de nombreux jeunes.
En effet, la foule étant trop nombreuse par rapport à l'environnement,… pic.twitter.com/jpWYIhI2jK
Премиерот на Хаити, Аликс Дидие Фис-Еме, изрази „длабока вознемиреност“ поради инцидентот, во кој настрадале претежно млади лица.
„Владата изразува искрено сочувство до погодените семејства и им ја гарантира својата целосна солидарност во овие моменти на тага и голема болка“, се наведува во соопштението.
Властите се мобилизирани и се во состојба на зголемена подготвеност за да обезбедат помош и поддршка, додека истрагата за околностите на несреќата е во тек.