Хан: Косовските царини се контрапродуктивни

Еврокомесарот Јоханес Хан по средбата со косовскиот претседател Хашим Тачи во Брисел на својот Твитер профил изрази задоволство од средбата и напомена дека е важно да продолжи дијалогот Србија – Косово. Тема на средбата биле косовскитe царини и визната либерализација.

„Го повторив ставот на ЕУ дека косовските царини се контрапродуктивни и дека треба барем да бидат суспендирани“, напиша Хан на Твитер по средбата.

Дијалогот Белград-Приштина е суспендиран од ноември откако Косово воведе високи царини врз увозот на производи од Србија и Босна и Херцеговина.

Францускиот претседателот Емануел Макрон и германската канцеларка Ангела Меркел на 29 април во Берлин ги поканија српскиот и косовскиот претседател на средба, во обид да се деблокира дијалогот меѓу двете страни. На средбата во Берлин се поканети и другите премиери од регионот, вклучително и премиерот Зоран Заев.

 

 

 

Добивајте вести на Viber

16.04.2019 - 13:43

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега