Група од околу 350 лекари во Србија бараат смена на Кризниот штаб
Група од околу 350 лекари во Србија, под името „Обединети против Ковид“, во отворено писмо до Владата и други надлежни институции, се оградуваат од републичкиот Кризен штаб за борба против Ковид-19 и бараат негова смена. Тие оценуваат дека Србија се наоѓа во јавно-здравствена катастрофа.
Лекарите кои го потпишале отвореното писмо бараат да се формира нов Кризен штаб, да се испитаат обвинувањата за прикривање на податоците и да се запре „заплашувањето и политизацијата кои го нарушуваат личното достоинство на здравствените работници“.
Тие во писмото додаваат дека одлучиле да се појават во јавност затоа што не гледаат друго решение за катастрофата на јавното здравство во кое се наоѓа Србија, по епидемијата на коронавирус, како и дека Хипократовата заклетва и општата етика ги обврзуваат на тоа.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
