Грција за Света Софија: Турција ги прекршува обврските од Конвенцијата на УНЕСКО

Со менувањето на статусот на споменик Турција ги прекршува обврските кои произлегуваат од Конвенцијата на УНЕСКО од1972 година и фрла сенка фрз сликата на земјата, соопштуваат од Министерството за надворешни работи на Грција за претворањето на Света Софија во џамија, јави дописничката на МИА од Атина.

-Менувањето на статусот на важни културни споменици несомнено е удар за културното наследство на човештвото. Ова менување претставува прекршување на обврските на Турција кои произлегуваат од Конвенцијата на УНЕСКО од 1972 година, додека фрла темна сенка на нејзината слика, соопштуваат од грчкото МНР, додаваат дека промената на употребата на споменикот, симболиката, „повлекува и значителни ризици за интегритетот на објектот, како и за мозаиците и другите уметнички дела во внатрешноста“.

Министерството за надворешни работи на Грција соопштува дека тие ќе работат, за „светската заедница да остане свесна“, бидејќи тоа е прашање што се однесува на целото човештво.

-Во ера кога се потребни приближувања и обединувачки чекори, потези кои поттикнуваат религиозни и културни поделби и ги продлабочуваат јазовите наместо да ги премостуваат, не придонесуваат во разбирањето и зближувањето на народите, додаваат од грчкото МНР. 

 

 

 

Добивајте вести на Viber

24.07.2020 - 20:31

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега