Градоначалникот Пецаков кривично ќе одговара - не се самоизолирал по тестирање за Ковид-19

Министерството за внатрешни работи поднесе кривична пријава за градоначалникот на Охрид Кирил Пецаков, кој по тестирањето за Ковид-19 не се самоизилирал додека го чекал резултатот туку се појавил на прославата на Водици.

„Поради постоење основи на сомнение за сторено кривично дело „непостапување според здравствените прописи за време на епидемија”, СВР Охрид до надлежното обвинителство поднесе кривична пријава против К.П.(37) и А.К.(37), двајцата од Охрид. Пријавените, на 19.01.2022 година се тестирале за дијагностицирање на Корона вирус и, наместо во самоизолација, согласно одлуките за превентивни препораки за заштита на здравјето на населението од заразната болест, истиот ден, присуствувале на јавната верска манифестација по повод верскиот празник „Богојавление- Водици 2022 година“ одржана во Охрид“, информираше МВР.