Глумеше во „Битката на Неретва“: Почина актерот Харди Кругер
Германскиот актер Харди Кругер почина на 93-годишна возраст, вчера, во својот дом во Калифорнија (САД). Неговата Агенција за глумаа ја потврди тажната вест.
„Неговата топлина на срцето, радоста на животот и непоколебливото чувство за правда го направија незаборавен!“, напишаа оттаму и изразија сочувство до неговата сопруга Анита.
Харди беше глумец и писател. Од почетоците во 1944 година, се појави во повеќе од 60 филмови. Беше ѕвезда во Германија и ширум светот. Својата кариера, Кругер претежно ја градеше во странство. Глумеше и во филмовите „Хатари!“, „Летот на фениксот“, „Диви гуски“, „Недостижниот мост“ и во оскаровецот „Вил д’Авреј во недела“.
Меѓу другото, тој го глумеше и германскиот полковник Кранцер во југословенскиот филм „Битката на Неретва“ од 1969 година.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
