Ги туркал и попречувал да влезат - полицијата изврши претрес во домот на кичевчанец

 

Поради постоење основи на сомнение за сторени казнени дела „неовластено производство и пуштање во промет наркотични дроги, психотропни супстанции и прекурсори“, „спречување службено лице во вршење службено дејствие“ и „спречување на докажување“, полициската станица од Кичево поднесе кривична пријава против 34-годишниот А.А. од Кичево.

 

При претрес извршен во неговиот дом на 23-ми минатиот месец, пријавениот започнал да ги попречува и ги оттурнувал полициските службеници во преземањето на службените дејствија, а во еден момент од кујната земал две кеси со опаковки со бела прашкаста материја и се обидел да ги исфрли во тоалетот. При претресот, пронајдени и со потврда одземени се 25 помали паковки со бела прашкаста материја, три цвета растителна материја и 188.100,оо денари. Од добиеното вештачење извршено во Министерството за внатрешни работи во Скопје, констатирано е дека во 25 паковки има опојна дрога кокаин а цветовите-растителниот материјал се марихуана. На пријавениот одредена му е мерка притвор во траење до 30 дена а потоа е спроведен во казнено поправната установа „Затвор-Скопје“.

 

 

 

16.09.2018 - 13:41

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега