Германија се сомнева во квалитетот и безбедноста на руската вакцина
Германија изрази сомнеж во квалитетот и безбедноста на руската вакцина против коронавирусот и посочи дека лек, односно вакцина, може да се регистрира во Европската унија само откако ќе бидат спроведени сите клинички испитувања.
– Безбедноста на пациентите е најголем приоритет. Нема податоци за квалитетот, ефикасноста и безбедноста на руската вакцина, изјави портпаролката на Министерството за здравство за германската мрежа РНД.
Претходно денеска, рускиот претседател Владимир Путин објави дека Русија е првата земја што регистрирала вакцината против Ковид 19, по помалку од два месеци тестирања врз луѓе.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа