Герберих: Има добри изгледи за започнување со пристапни преговори пред самитот во Загреб

Германскиот амбасадор Томас Герберих оценува дека се реални шансите нашата земја да добие датум за почеток на преговори пред мајскиот самит на ЕУ во Загреб.

-Ставот во целина е позитивен. Во моментов според мене, има добри изгледи пред самитот во Загреб да се започне со пристапни преговори со Северна Македонија. Ја даваме нашата поддршка и остануваме партнери во рамките на ЕУ во оваа насока, вели амбасадорот Герберих во интервју за емисијата Трилинг на ТВ 24.

Амбасадорот додава и дека, според него, донесувањето на законот за Јавно обвинителство ќе биде од корист за започнувањето на преговорите.

-Сега ќе зависи од опозицијата во Парламентот и владината коалиција да постигнат согласност, и по можност брзо да го изгласаат законот, вели Герберих.

 

 

 

Добивајте вести на Viber

17.01.2020 - 18:16

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега