Франција е второ жариште на коронавирусот во Европа- За 24 часа 449 смртни случаи

Во Франција во изминатите 24 часа се регистрирани нови 449 смртни случаи од Ковид-19 што е најголем број досега во еден ден. Од почетокот на пандемијата на 1 март, регистрирани се вкупно 3.523 смртни случаи,и 52.128 заразени, јави дописникот на МИА.

Вкупно 5.565 лица се наоѓаат во тешка состојба и нив им е потребна интензивна нега. Таа цифра е зголемена за 458 случаи.

Вкупно на болничко лекување се наоѓаат 22.757 лица. Триесет и четири отсто од заболените се помлади од 60 години.

Според властите, 9.944 лица се сметаат за излекувани.

Само вчера во ургентните служби на болниците биле примени 4.390 лица со симптоми на Ковид-19. Притоа 38 отсто од нив биле хоспитализирани, а пет отсто директно примени на интензивна нега.

СОС Лекари од своја страна имале 1.718 интервенции поради Ковид-19.

 

 

 

Добивајте вести на Viber

01.04.2020 - 08:57

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега