ФОТО: Откорнати гранки од невремето во Скопје искршија стакло од автомобил

Во Скопје ветерот што синоќа дуваше бил со брзина од над 100 километри на час, информира утринава Управата за хидрометеоролошки работи.

Силниот ветер откорна дрвја, покриви од згради и оштети фасади на објекти.

На Фејсбук групата „Ѕид на сообраќајниот срам“ луѓето објавуваат фотографии и видеа од хаосот кој го предизвика невремето, меѓу кои на една се гледа и дека откорнати гранки од дрво искршиле стакло на автомобил.

Во западните и северните делови од државата ветерот бил со брзина над 70 километри. Во текот на ноќта и изутринава претежно во западните делови имало врнежи од дожд, а на планините врнежи од снег каде се формирала снежна покривка и имало појава на снежни наноси.

За денеска синоптичарите најавуваат променливо облачно време со повремен дожд особено во западните делови од државата. На планините ќе има врнежи од снег. Ќе дува умерен до засилен западен ветер во западните делови, а долж Повардарието северен и со умерен интензитет. Максималната температура ќе се движи во интервал од 6 до 14 степени.

Во Скопје слично време со максимална температура до 10  степени. 

 

 

 

Добивајте вести на Viber

27.02.2020 - 09:54
Фото: 
Ѕид на сообраќајниот срам

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега