ФОТО: Изгоре објект кај Градскиот пазар во Охрид
Пожар утрово избувна во објект за земјоделски производи кај Градскиот пазар. Според информациите од командирот на ТППЕ Охрид, Борко Јанкулоски опожарениот објект е изгорен целосно и предизвикана е само материјална штета, нема повредени лица, пренесува Ohrid news.
„Пожарот утрово беше во објект каде се продаваат земјоделски производи, опожарен е целосно и до него двете тенди. Пожарот се случи нешто по 4 часот утринава. Предизвикана е материјална штета. Причината за пожарот сеуште не се знае. Интервенирано е од ТППЕ Охрид со две возила и четворица пожарнинкари“, вели Јанкулоски.
Увид на терен утрово вршат екипи од крим техника при СВР Охрид.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
