ЕУ: Немаме друга опција освен дијалог со талибанците

ЕУ нема друга опција освен да разговара со талибанците во Авганистан, изјави денеска високиот европски претставник за надворешна политика и безбедност Жозеп Борел.

Обраќајќи им се на членовите на Европскиот парламент во Стразбур, Борел посочи дека Брисел ќе се обиде да се координира со другите членки на ЕУ со цел да организира дипломатско присуство во Кабул.

„ Кризата во Авганистан не е завршена. За да имаме шанса да влијаеме на било што, немаме друга опција освен да се вклучиме во разговорите со талибанците”, нагласи Борел.

Тој изјави дека ЕУ ќе укаже на важноста од почитување на човековите права, пренесуваат медиумите.

MAKFAKS

14.09.2021 - 20:46

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега