Џафери се уште не испратил известување дека Собранието е конституирано
Претседателот на Собранието во заминување, Талат Џафери се уште не испратил до претседателот на државата Стево Пендаровски известување дека Собранието е констиуирано, пишува „Канал 5“.
Од кабинетот на Џафери засега нема одговор зошто тоа не е направено и дали ова значи дека рокот за мандатот се уште не почнат.
Но, од ДУИ, партијата на Џафери, велат дека без известување дека Собранието е конституирано не може да броиме денови до доделување на мандатот. Висок функционер на ДУИ за Канал 5 вели дека Џафери допис дека Собранието е конституирано ќе испрати откако ќе се направи и изборот на претседател.
Но, од кабинетот на Пендаровски не се согласуваат со ваквото толкување. Потврдуваат дека до Вила Водно досега не е пристигнато ништо од Собранието. Но, и покрај ова Пендаровски веќе од средата брои 10 дена до чинот на доделување на мандат.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа