Две бебиња се на респиратор во Србија поради Ковид

Трендот на бројките на заболени со корона во Србија со денови укажуваат дека сегашните епидемиолошки мерки и кампањи за вакцинација не ги даваат очекуваните резултати.

Проценките дека ситуацијата е „катастрофална“ и „загрижувачка“ потврдуваат податоците од денеска за уште 63 жртви на Ковид-19 и 7878 нови инфекции.

Зголемен е бројот на тестирани - 26.498 во последните 24 часа, а притисокот на одделенијата за ковид во болниците низ Србија не се намалува - денеска се лекуваат 6789 заразени, од кои 267 се на респиратор.

Од почетокот на пандемијата, регистрирани се 1.111.957 случаи на зараза, официјално се пријавени 9.634 смртни случаи од инфекција со коронавирус, а стапката на смртност е 0,87 проценти.

Денешните 7840 нови инфекции се највисоки на дневна основа од почетокот на октомври.

Во исто време, анти-ваксерите се обидуваат да укажат на протестите во центарот на Белград дека воведувањето на пропусници за Ковид ги дискриминира - со носење жолти ленти поврзани со нацистичката комеморација на Евреите за време на Втората светска војна, обвинувајќи ги властите за „фашизам со Ковид“, додека апелите на владините претставници и членовите на Кризниот штаб ги даваат очекуваните резултати.

Официјалните податоци покажуваат дека најголем одѕив за вакцинирање има во Белград, каде се очекува бројот на вакцинирани со првата доза до денеска да надмине 60 отсто од вкупниот број на полнолетни граѓани, додека 797.608 лица или 57,58 отсто од населението на главниот град биле вакцинирани со втората доза.

„Очекуваме до петок повеќе од 800.000 целосно вакцинирани, а третата доза ја примија 274.118 луѓе, што е 19,83 отсто или речиси една петтина од возрасните белграѓани“, објави на Фејсбук заменик градоначалникот на Белград, Горан Весиќ.

Лекарите посочуваат дека вирусот се повеќе се шири меѓу младите, а шефицата на интензивна нега на Универзитетската детска клиника во Белград, Снежана Рсовац, предупреди дека две бебиња, кои се на респиратори во таа установа, се витално загрозени.

Двете бебиња се заразени дома, а колку е поголем бројот на заразени во општата популација, толку е поголема шансата да се појават потешки случаи кај децата, предупреди Рсовац.

Откако минатата недела донесе одлука за воведување пропусници за ковид, ограничени до 22 часот, Кризниот штаб за борба против пандемијата, и покрај предупредувачките епидемиолошки податоци, сè уште нема закажано нова седница.