Двајца позитивни на Ковид во Лекарска комора – правеле свадба со 100 гости
Двајца вработени во Лекарската комора се позитивни на Ковид-19. Од Комората за НОВА потврдија дека вработените не се инфицирале на работно место туку на приватна веселба. Тие 10-тина денови не доаѓале на работа и користеле годишен одмор.
Откако биле информирани за ова од ЦЈЗ, сите вработени во Лекарската комора биле тестирани и се покажале негативни На Ковид-19, со низок ризик.
„По добиените информации дека двајца вработени се позитивни на Корона сарс-2, а во соработка со ЦЈЗ-Скопје, по направената епидемиолошка анкета и тестирање, сите вработени се со негативен резултат и со низок ризик. Лекарската коморa немаше прекин во работата и продолжува непречено да функционира“, велат од Комората.
Во Комората е направена комплетна дезинфекција, иако тие не доаѓале на работа.
Неофицијално, тие правеле свадба на 31 мај, на која имало 100-тина гости. Според досегашните сознанија од ЦЈЗ покрај младоженците позитивни на Коронавирус се уште четворица од потесното семејство.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа