„Додека Ѓоковиќ се обидува да го обедини Балканот, Дуа Липа ја промовира Голема Албанија“- Британски новинар ја искритикува пејачката
Откако пред неколку дена на „Инстаграм“ пораќа дека Косово не е, но и никогаш не било Србија, албанската пејачка со потекло од Приштина, Дуа Липа на повеќе платформи објави карта на Голема Албанија.
Ав – тох – тон, придавка
(на жител на место) домороден наместо да потекнува од мигранти или колонисти, твитна 24-годишната музичка ѕвезда за своите повеќе од пет милиони следбеници на „Твитер“ и скоро 50 милиони на „Инстаграм“.
Нејзината провокација, исто како и претходната, наиде на доста коментари и отвори нови препукувања меѓу корисниците
Една од најжестоките критики ја доби од британскиот новинар Сем Стрит.
„Додека луѓето како Новак Ѓоковиќ се обидуваат да го обединат Балканот и не добиваат ништо друго за тоа освен критики, Дуа Липа седи во Лондон и го објавува ова- напишал тој.
While people like Novak Djokovic try to unite the Balkan region and get nothing but criticism for it, Dua Lipa sits in London and does this. https://t.co/mQpiU6jivQ
— Sam Street (@samstreetwrites) July 19, 2020
Родителите на Дуа Липа во 1992 година се преселиле од Приштина во Лондон, каде што таа се родила три години подоцна. Иако е израсната во Англија, ова не е првпат пејачката да ги изнесува своите погледи за состојбата на Балканот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа