Добил 1.000 денари за да гласа за одредена политичка партија - МВР доби пријави во врска со изборниот процес

 Неколку пријави во врска со нарушување на изборниот процес во Скопје, Велес и Битола се регистрирани во дополнението на Билтенот што го објави денеска Министерството за внатрешни работи.

Во Полициската станица Карпош, Ј.У.(75) од Скопје вчера во 9.20 часот пријавил дека добил СМС порака од непознато лице, кое според содржината го наведувало на изборите да гласа за одредена партија. Со случајот бил запознат Јавен обвинител и се работи на негово расчистување.

Во СВР Велес вчера било пријавено дека П.А. од Градско, пред доаѓање на Избирачкиот одбор, дошол во дворот на А.С. (лице со здравствени проблеми) на ул.„Борис Трајковски“ и му дал 1.000 денари за да гласа за одредена политичка партија. Од страна на полициски службеници бил извршен разговор со П.Е., старател на А.С. и со потврда банкнотата билa одземена. Бил извршен разговор и со П.А., а СВР Велес презема мерки за целосно расчистување на случајот.

Во СВР Битола било пријавено дека ноќеска во 01.30 часот по полноќ, во с.Новаци, битолско, В.Ј. од истото село растурал летоци. Тој бил приведен во Полициското одделение Новаци. Се работи на расчистување на случајот. 

 

 

 

Добивајте вести на Viber

15.07.2020 - 16:25

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега