Директорка на училиште вработила наставник кој немал соодветно образование

Директорка на средно училиште во Демир Хисар вработила лице како наставник иако немало соодветно образование.

Според информациите на МВР, СВР Битола поднесе кривична пријава против М.Л.(51) од Демир Хисар поради постоење основи на сомнение за сторено кривично дело злоупотреба на службената положба и овластување.

 

Во текот на јануари 2019 година пријавената, како директор на СОУ „Крсте П. Мисирков“ во Демир Хисар, на оглас за вработување на наставник за стручни предмети од шумарско и дрвопреработувачката струка избрала кандидат кој немал соодветно образование.

По ова, на 1.02.2019 година во Агенцијата за вработување избраниот кандидат го пријавила за работно место кое не било наведено во конкурсот.

Со ова, пријавената му овозможила на Б.Б. да се стекне со противправна имотна корист од 140.977 денари на штета на буџетот на државата.

 

 

 

Добивајте вести на Viber

05.07.2019 - 15:11

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега