ДИК ги објави резултатите од 65% од гласовите и која партија е во водство
ДИК ги објави резултатите од 65 отсто од обработените гласови. Според информациите на ДИК, СДСМ е во водство со 36,78 отсто од гласовите, а ВМРО-ДПМНЕ има 35,75 проценти поддршка.
ДУИ води во албанскиот блок со 10,31 отсто, а Коалицијата меѓу Алијанса на Албанците и Алтернатива освоила 8,13 проценти од гласовите.
Потоа следат Левица со 4,16 отсто, Интегра со 1,33 и ДПА со 1,33 проценти. Сите останати листи досега освоиле помалку од 1 процент.
Веб страницата на ДИК во моментот не работи, а оттаму велат дека станува збор за технички проблем. ИТ експерти се обидуваат да го решат проблемот со веб страницата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
