Детектор: Секој петти вработен во Македонија го загубил работното место поради корона вирусот

Еден од пет вработени граѓани останал без своето работно место како последица на корона вирусот, покажува најновото истражување на јавното мислење кое за Детектор го спроведе Институтот за политички истражувања Скопје.

12,1% од граѓаните кои биле вработени велат дека го загубиле работното место или пак добиле привремен отказ или суспензија поради кризата со корона вирусот. 33,4% од анкетираните велат дека одат на работа исто како и пред кризата. 10,7% од граѓаните поради корона вирусот работат од дома, додека 2,5% немаат некои промени во статусот бидејќи и претходно работеле од дома.


 

Останатите нешто над 40% се невработени и пензионери. Кога тие ќе се исклучат од истражувањето, анкетата покажува дека 20,6% од анкетираните вработени граѓани останале без работното место, додека 56,9% се уште одат на работа како и претходно. 18,2% од вработените анкетирани граѓани работат од дома, а за 4,3% вработени граѓани нема никакви промени бидејќи тие и пред кризата си работеле од дома.

Анкетата по нарачка на Детектор ја спроведе Институтот за политички истражувања Скопје, врз репрезентативен примерок од 1116 испитаници во периодот меѓу 18 и 21 март годинава.

 

 

 

Добивајте вести на Viber

05.04.2020 - 17:43

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега