Делови од Делчево без вода поради дефект

Поради дефект на главната водоводна линија, делчевската населба Милково Брдо е без вода за пиење. Од Јавното комунално претријатие информираат дека нивни екипи работат на негово отстранување.

-Вечерва имаме дефект на водоводната мрежа во Делчево настанат поради пукање на цевка Ф-200. Од таа причина доводот на вода е запрен заради негово брзо отстранување, информираа од претпријатието.

Поради дефектот делови од булеварот Македонија се под вода, а во моментот како што додадоа од претпријатието без вода за пиење се жители од повисоките делови од Милково Брдо, но и дел од жителите од пониските делови на оваа населба кои се наоѓаат над зградата на ЈКП „Брегалница“.

-Бидејки се работи на отстранување на дефектот се очекува во текот на вечерта водоснабдувањето да биде нормализирано, додадоа од ЈКП „Брегалница“.

Апелираа на стрпливост до граѓаните и порачаа водата за пиење во останатите населби да се користи рационално до отстранување на дефектот.

25.11.2022 - 20:05

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега