Д-р Танер Хасан: Смртноста од ковид-19 во Македонија е 3 отсто, а на светско ниво е 2 отсто

Земјава потешко се справува со пандемијава, кај нас процентот на починати е 3 отсто од бројот на заразени со ковид-19, а на светско ниво смртноста е 2 отсто, вели д-р Танер Хасан од ГОБ „8 Септември“ во Студио 10 на ТВ24.

– Нашата болница е една од првите што се справува само со оваа проблематика. Дури 90 отсто од нашето време го посветуваме на ковид пациенти. Кај нас бројката не се намалува, секој ден има голем број на ковид пациенти. Околу 100 пациенти имаме во просек, кај потешките пациенти има пад на сатурација, тоа е најчест проблем, компликација. Вирусот сè уште има непознаници, дури и во текот на терапијата се менуваат пристапите кон пациентот и кон болеста. Некои работи кои порано ги дававме како терапија, сега се откажуваме од нив. И по една година сè уште е многу проблематично, постојано учиме, и ние што не сме инфектолози работиме на оваа проблематика. До сега имаме голем напредок – вели д-р Хасан.