Д-р Митов: Можеби е рано, но се појавува светлото од крајот на тунелот

Секојдневно стигнуваат различни информации за Коронавирусот. Генералниот став на науката е дека ќе се создаде колективен имунитет. Но треба да се помириме дека премногу дилеми имаме на маса. Се уште се поставуваат основните прашања – се уште е во рамките на непозната начините преку кои се пренесува. Гледаме дека математичките модели кои ја предвидуваа смртноста претерале во претпоставките. Сега има замав од информациии. Нивното следење секоја минута е лошо и тука луѓето треба да направат еден чекор назад, изјави во „Утрински брифинг“ на „Слободна ТВ“, Д-р Александар Митов.

Поради постоењето на различни тези, неопходно е да се направи мега анализа.

-Студијата на германски научници, објавена на 6 април, и според нивните математички модели се претпоставува дека ние сме детектирале околу 6% од целокупната зараза, што би рекло дека милиони население го имаат веќе поминато вирусот. Но ова мора да спомнеме дека се уште е хипотеза која во наредниве недели треба да се докажува дали е точна.

Потребна е една мета анализа, односно анализа на анализи за да донесеме цврст заклучок. Но во овој момент тоа го немаме. Една нова студија вели дека степенот на заразување од овој вирус е многу поголем од тоа што очекувавме – претходно беше дека се пренесува до тројца, за вчера да излезе дека од еден заболен може да се заразат 5,7 луѓе, рече д-р Митов.

Треба да се следат научни студии кои се респектабилни или едноставно да се направи селекција на информации за да не дојде до поголема забуна и паника.

–Но она што морам да го напоменам е дека јас цитирам научни студии и центри кои што се респектабилни, а не некои на кои што им текнало да мислат дека знаат.

Правени се епиодемиолошки студии и анализи што се случувало во земји каде што БСЖ вакцината (кратенка од Bacillus Calmette–Guérin и примарно се прима како заштита од туберколоза) не е стандардна и други земји каде што е обврзна, при што се гледа во земјите каде што имаше катастрофа од здравствен аспект нема редовна БСЖ вакцинација. Исто е и во САД.

Не дека оваа вакцина е роднина на КОВИД-19 но се докажува таа имуно-модулаторска моќ на вакцината, може да го променат, издресираат имуниот систем за тој да може повешто да се однесува и кон други напаѓачи на нашето тело, додава Д-р Митов.

 

 

 

Добивајте вести на Viber

10.04.2020 - 10:09

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега