Чулев: Спасовски го попречува попречува работењето на техничката влада

Министерот за внатрешни работи, Наќе Чулев денес пред простории на Јавното обвинителство одржа прес конференција на која информираше за последните случувања поврзани со попречување на работењето на техничката влада од страна на техничкиот премиер при што е постојат основани сомневања за сторено кривично дело фалсификување на службена исправа и злоупотреба на службената положба и овластување.

„Сакам да ја информирам домашната и меѓународната јавност дека техничкиот премиер Оливер Спасовски продолжува да го попречува функционирањето на техничката Влада, а со последните случувања во соработка со дел од стручните служби во Владата направи и кривично дело фалсификување на службена исправа и злоупотреба на службената положба и овластување. На седницата на Владата што се одржа во саботата на 15 февруари последна на гласање беше ставена точката за поништување на пет решенија донесени од моја страна за распоредување на вработени во МВР. Со мнозинство гласови Владата во десет минути пред полноќ го усвои предлогот да се поништат ПЕТ решенија, (ПОВТОРУВАМ ПЕТ РЕШЕНИЈА) за што постои записник/стенограм. Нејасно е како оваа одлука експресно во координација со дел од службата во Владата и со одобрување од Оливер Спасовски е објавена во Службен весник Бр.41 од 15.02.2020 година, каде покрај ПЕТТЕ решенија чие поништување беше изгласано, се најдоа дополнителни 124 решенија за распоредување и 1 наредба за извршување на работа и работни задачи. Овие решенија воопшто не биле предмет на разгледување на членовите на Владата, ниту е донесена одлука за нивно поништување“, изјави Чулев, кој го повика  ОЈО веднаш да преземе дејствија за обезбедување на доказите и да спроведе истрага, во спротивно според него ОЈО ќе биде директно одговорно за неказнетото фалсификување на одлуката на Влада.

„Сакам да ја искористам оваа прилика и да упатам апел до вработените во Владата кои со одобрување на Оливер Спасовски веќе го прекршиле законот, да се воздржат од дополнителни дејствија со кои ќе се обидат да ги уништат или менуваат доказите и ќе влијаат на понатамошно откривање на кривичните дела“, кажа Чулев.

 

 

 

Добивајте вести на Viber

19.02.2020 - 14:00

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега