Честитка по повод 2-ри Август – Илинден од лидерот на ВМРО – ДПМНЕ Мицкоски

Илинден е носечкиот код врз кој почива оваа Македонска држава и од тогаш до денес, секоја година на Св. Илија се празнува овој подвиг, потенцира во честитката по повод државниот празник 2-ри Август -Илинден претседателот на ВМРО-ДПМНЕ, Христијан Мицкоски.

– 117 години од Илинденското востание татни комитското УРА за слободна, независна и автономна Македонија и 76 години од вториот Илинден кој ја печатираше желбата за слобода и ја круниса таа вековна епопеја на македонскиот народ за своја држава.Нашата борба за слобода има константа, се крена илинденското востание, а потоа продолжија партизаните и затоа што тоа е продолжение на сите претходни стремежи и поради својата храброст и пожртвуваност издвојуваше победа, по што дојде слободата и создавањето на државата. А сега, сето ова е обврска која не задолжува да ја одбраниме слободата секогаш кога таа ќе биде нападната, се вели во честитката од Мицкоски.

Претседателот на ВМРО – ДПМНЕ порачува дека треба да ги чуваме илинденските идеали од чија вредност, вели, како општество во овие мигови силно отстапуваме.

– Европската Унија се уште е далеку од нашиот дофат пред се поради неисполнетите реформи, криминалот и корупцијата која силно го гризе секој дел од општествито. Сиромаштијата расте, а граѓаните не се среќни, иселувањето не престанува. Борбата за слобода е константа и таа продолжува. Илинден е нашиот слободарски крик за правдини чија што суштина и цели продолжуваат, стои во честитката од Мицкоски по повод државниот празник 2-ри Август – Илинден.

 

 

 

Добивајте вести на Viber

02.08.2020 - 10:23

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега